Ине Отечественной войнанть шкасто Од иень эргелемась кармась улеме мирной эрямонь тешксэкс. Алкукс, военной кажо иесь кандсь эсензэ коррективанзо Од иень атрибутикантень. Тотальной дефицитэсь ды асатыкстнэ минек масторсонть невтизь пряст васняяк Од иень налчкетнень ушо ёнксост лангсо. Истяк меремс сынь хоть и эзть карма седе мазыйкс ды мельс туицякс, но тень лангс апак вано ульнесть оригинальнойкс. Нолдасть кузонь налшкетнень производствань лиядкснэстэ, а тейсь эйсэст «Москабель» заводось. Неень шкасто не налчкетне – якстере тештне ды уськестэ теезь кудынетне, парашютистнэ – кармасть улеме раритетэкс ды кирдить колекционертнэнь кедьсэ покш вешевкст.
Тёжа вейксэсядт ниленьгемень васенце иестэ ацам ковсто «Искусство» издательствась нолдась Од иень открыткат фронтов кучомань специальной серия. Штобу эрязкавтомс печатамонь процессэнть, художниктне-илюстратортнэ сеедестэ важодсть колмо артовкс марто – якстере, ашо ды раужо. Передовоев родня – раськетнень пельде мольсть истят открыткат: «Од Иень сюкпрянь ёвтамот масторонь ванстыцятнень!», «Од иенть марто товарищ фронтовик!», «Тетяй маштык фашистэнть». Красноармецтнэ эзть лиядо долгс, эсь малавиксэст туртов каршо истят валт каясть: «Боевой Од Иень краснофлотской сюкрянь евтамот фронтсто.», «Минек масторонть лангсо мусызь эсест куломаст весе фашистской захватчиктне».
А лисе мезеяк а меремс Якшамо атясть ланга, конась кармась сех содавиксэкс Ине войнань шкань открыткатне лангсо. Цётмаронть, таркас сонзэ кедьсэ автомат ППШ или винтовка, а сонсь Атясь невтезь немецтнень полонс ветицякс или же Гитлерэнть пстидиицякс. Вишка артовкстнэ ильтявсть а покш сермадовксо.
Примеркс: «Од иень казнеть Якшамо Атясь канды ятонтень, конатнень эйстэ тарькс чистэ пси, а пси чистэ кельмат». Не аволь стака артовкстнэ ды валтнэ, фольгасто ды картонсто теезь налшкетне, сынь вельмевтсть казямо военной читнень, кармавтсть мельс ледцтнемс праздниктненть, а сех пек – кармавтсь кемемс Изнямонтень. Секс нярдо минь тынк марто карматано кепедеме бокалтнэнь Иень прядомадость, давайте ледстясынек весень, кить вастасть те праздникенть Ине войнань окоптнесэ, ды сетнень конат, анокстасть Изнямо тылсэ. |
